Catholic Faith Defender

JOHN. 8:32 “et cognoscetis veritatem et veritas liberabit vos”

LAKBIT SAYSAY SA CATHOLIC FAITH DEFENDERS INCORPORATED

Posted by catholicfaithdefender on March 31, 2008

LAKBIT SAYSAY SA CATHOLIC FAITH DEFENDERS INCORPORATED

Ni: Bro. Socrates C. Fernandez

Re-typed by CFD-USEP

            Ang Dios nahilambigit ug uban sa kasaysayan, sumala sa iyang kaugalingon nga tuyo.  Baligho o gumunhap alang sa mga tawo, ug usahay ang DIOS ra ang makabadbad sa igo nga kahulogan sa mga panghitabo. Apan, kita na dunay pagtuo, makaingon nga MAAYO ug MATARUNG gayud ang DIOS sa iyang katawhan.
            Ang may pagtuo mosanong sa giingon sa kasulatan “Mahibalo siya sa mga milagro nga buhaton sa Dios ug sa mga sangpotan  sa mga pangitabo sa kasaysayan.”(Kaalam 8:8).

            Maayo nga lakbitan ato ang kaagi pagsugod sa Catholic Faith Defenders Incorporated sa Pilipinas. SA SUGBO…1935 aktibo ang kalihukan sa mga Aglipayano madasigon sila nga nagtukod sa ilang grupo uban sa pag-ataki sa mga doktrinang katoliko, ilabina sa Santo Papa ug apil gihapon ang ilang mga Apostoles, larawan ug mga piyesta sa mga Santos . Mainiton ang mga misyonero Protestante nga mipuyo gayod og mga lugar sama sa San Isidro Talisay, sa Banawa ug ubang mga Lungsod. Ang ilang paagi, mao ang pakighigala, pagtabang sa kinahanglanong materyal sa maga tawo.

            1938, sa Parokya ni San Nicolas sugbo, may mga hinimbahong layko nga panagna magtagbo sa kombento sa ilang higala nga pari, ug magtabi bahin sa panaway sa ubang mga relihiyon. Ang Pari, maayo usab motubag. Ganahan usab si Padre Undoy Reynes mopakli ug mopasabot sa Bibliya. Siya ang amahan sa tinuig nga gula sa Almanako kaniadto. Miguho si Nong Pedro Cabaluna, nagtuon diay sa Bibliya, kinaugalingon lang. Nalipay sa pagtudlo sa pari. Nagsabot og adlaw nga makigtagbo sa pari. Si Nong Pedro giila nga Walking Bible sa iyang panahon. Nagtukod siya’g grupo sa San Nicolas nga manalipod sa pagtuo. Nakadawat gani sya og award sa Santo Papa, ang Pro Ecclesia et Pontifice.

            1945 human sa ikaduhang gubat, Sa parokya sa Virgen de la Regla, syudad sa Lapu-lapu na karon, Mitumaw ni Noy Mundo Reuma, taga Hillonggos Leyte, tigbuhat ug kandila sa pari sa Opon. Lantip kaayo ug pangisip, gamay ra og grado, apan maoy giila nga teologo sa mga laymen kaniadto. Batid sa Doctrina Catolica ug sa Bibliya, katugbang niya ang magsoong Martin ug Domingo Berido nga pulos hinimbahon. Giila sila, katabang ni Padre Gerard Treinekeins, M.S.C. ug sa nag-una pang mga paring Redemtoristas sa Opon. Dangpanan sila sa mga layko, ilabina na sa tubag sa mga ataki bahin sa Doctrina Cristiana. Si Noy Mundo ug si Nong Martin pulos nakadawat og award sa Santo Papa.
            1953 sa Santo Rosario Parish Church , mga layko malingaw og lalis sa kombento bahin sa tinuhoan. Gilingkoran sila ni Mons. Esteban Montecillo, namatay sa panuigon nga 100. Binayloay sa mga katarungan bahin sa interpretasyon sa Bibliya, ang buotang pari nalingaw sa kombati tali sa iyang mga layko apan sa katapusan sila mamati sa iyang hubad ug pagpasabot. Natukod ang Catholic Faith Defenders.
            1963 mitunga si Abogado Mei Caumeran, himasa ug libro sa katoliko. Makigsangka ug dialogue sa Freedom park. Gikahinagbo niya ang tadhan na mga defesonres sila Bro. Arsento Caburnay, Bro. Resuento.
            Sa panahon ni Julio Kardinal Rosales naparehistro ang C.F.D sa Securities and Exchange Commission. Gikan nga na – Indoctrinated sa Sabadista si Bro. Soc Fernandez misalmot, unya misulod sa Seminario, nakaabot og teologia dayon migula sa seminario ug mihalad sa iyang kinabuhi sa C.F.D sa mga rally sa lain – laing mga lalawigan sa kabisay-an ug sa Mindanao. Mitungha sila si Bro. Dionie Buanhag, sa Bro. Jose Tomarong ug Bro. Ramon Gitamundoc. Naghimo sila og module ug mga basahon sa C.F.D. Na-reforma nila ang mga balaod niini, ilabi na sa mga paagi sa pagtudlo ug ulahi na ang pakiglantugi.
            Maoy ilang gipahimug-atan ang kaluwasan pinaagi sa pagkinabuhi sa kamatuoran ug sa pagtabang sa isigkatawo ug ang masubsob nga pagdawat sa mga sakramento.
            Sa hinay-hinay naabli ang matuod nga bahandi sa kalag alang sa mga C.F.D. nga sila tipik ug bahin sa plano sa Dios sa pagsangyaw sa kamatuoran sa Dios, sa pagpanalipod niini ug sa pagdugtong kanunay sa mga kaparian, sa mga Obispo ug ilabi na sa Santo Papa.  

9 Responses to “LAKBIT SAYSAY SA CATHOLIC FAITH DEFENDERS INCORPORATED”

  1. akoni said

    si G-one Paisones tag iya ani nga blog, wala naman gud mag reply si G-one sa iyang youtube nga account.

    Dong G-one kung ikaw tag iya ani dong email ly ko, himoan nalang ta nig tarong nga website kining imong blog, kay i know dili pa ikaw maoy tag iya ni, pwedi ni delete ton sa taga wordpress kining imong blog, sayang kaayo ang content ani.

    • catholicfaithdefender said

      OO ako ang chief administrator dani nga site……

      G-one Paisones

      ..Bro, dili man siguro ni e delete sa taga wordpress……

      —asa man ka ka kuha dana nga balita nga ila deleton???

  2. akoni said

    Dong G-one, i dont kahinumdom paka nako sa imong youtube nga account,ani jud na dong basta gani dili pa ikaw ang tag iya sa imong blog nga free gi host nila dako gyud nag chance nga masira , especially kung ni violate ka silang terms and condition og daghang reklamo,naay uban dong mag reklamo kay bisan wala silay violation ma delete lang og kalit,maybe accidentally ma delete sa wordpress server kay karon rampant kaayo ang ang spamming sa blog.i dont know kung naa bakay back up aning imong blog, pwedi ba sad kaha ni ma back up pan ang free wordpress blog.

    sayangan ko magtanaw man gud sa imong blog dong kay pwerting daghana and very informative, dako jud kaayo nig tabang alang sa mga katoliko intawon nga kadaghanan wala jud masayod sa atong dugukan nga pagtulon-an. kung gusto ka buhaton takag domain name jud nimo akoy bayad sa domain og sa hosting, bahala naka unsaon nimo pag plastar, email me akoni77@yahoo.com

    • Bro Noel said

      Hope Bro Akoni you can extend help to the administrator of this blog and to the CFD as a whole. Daku na siya nga induluhinsya sa Ginoo ug makatabang ka ini nga site.

  3. nols said

    hi,i am Boholano missionry priest of Brazil rigth now.CFD for me is one of my inspiration to become a servant of God.When i was young,I used to listen the radio program and lectures of Brod Soc and …and it helped me deepen my knowledge about our faith…best regards to all!!
    noel

    • Akoni said

      hello father Nols,
      nalipay sad mig dako nga nakaplagan nimo ni nga website, pariho ta father, idol sad kaayo nako si Brod Soc tungod sa iyang kahaniti og bugnaw kaayo manubag sa tanan pangutana, mag sigi intawon ko sunod2x niya sa una kung asa iyang program sa nagka lain-lain radyo istasyon sa cebu, bisan unsa nga pangutana iya jud matubag. tinuod jud nga lahi kaayo og nindot atong makat onan bahin sa dugokan pagtulun-an niining atong pagtulun-an, hinaot managhan kita kay panahon na aron manubag kita sa ataki sa uban sikta og dili lang kana daghan man gud sa akong nakita nga mga laity nga wala jud intawon kahibawo bahin sa atong dugokan pagtulun-an nga maoy nahimong hinungdan aron sila makabig sa mga bakak nga pagtulun-an.hinaot ang CFD mamahimong instrumento aron usab pagtunol og paghatag katinawan bahin sa atong pagtuo isip katoliko.

  4. Akoni said

    hello bro Noel,

    bro sorry karon rako naka reply sa imong message, oo nagka talk nami ni bro G-one, up and running na atong official website nga kita na jud tag iya. pero kini ato lang gihapon na padayunon as back up just incase. anyway pulos mani number1 page sa google serach engine.

  5. louie jay said

    kumusta naman si bro soc og bro bacalso????

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

 
%d bloggers like this: