Catholic Faith Defender

JOHN. 8:32 “et cognoscetis veritatem et veritas liberabit vos”

SUKNAAN (November 16, 2008)

Posted by catholicfaithdefender on March 13, 2009

SUKNAAN

Ni Bro. Socrates C. Fernandez

Date: November 16, 2008

Source: Bag-ong LUNGSORANON, Page 8

Topic: Bibliya ug Koran

PANGUTANA:

Dili ba usa ka dakong pangahas ang pang-angkon sa Iglesya Katolika nga ang Bibliya nagagikan Kaniya? Ang mga hubad sa Biblia diha na sa wala pa ang Iglesya Katolika. Dili ba tinuod nga ang libro sa mga Muslim nagsupak man sa Biblia bahin ni Cristo, isip Mesiyas? Hangtud karon ang Muslim, usa ka giila nila nga mao ang mensahero ni Alla mao si Mohammed. Unsay ikasulti mo niini. Miingon sila nga ang Islam mao ang tinuod nga gilitok ni Allah nga iyang gitukod, dili Kristyanidad?

TUBAG:

Dili usa ka pangahas sa Iglesya Katolika ang pang-angkon nga gikan niya ang Bibliya ang atong gibasa karon. Siya ang Iglesia Katolika ang naghipos sa mga basahon sa Daan ug Bag-ong Tugon ug ang miayag ug mipili kon hain gayod niini ang mga linamdagan sa Espiritu Santo. Si Martin Luther, ang bantugang magtutukod sa protestantismo miingon: “Kitang mga Protestante sa Iglesya Katolika angay nga moila niini, kita wala untay Bibliya kon wala pa ang Iglesia Katolika,” (Book Commentary on John Chap. XIV). Ang labing karaan nga hubad sa Biblia, ang Latina Vulgata, gilusad sa Iglesia Katolika sa tuig 382-404 A.D. (Halley’s Bible Handbook pahina 754, Protestant Book). Ang Iglesya Katolika sa iyang konsilyo sa Cartago, sa tuig 397 A.D. mao ang mihatag ug hukom sa 27 ka libro sa Bag-ong tugon ug wala nay ipuno pa. (Halley’s Bible Handbook pahina 746). Ang paghubad sa Bibliya sa mga Protestante ulahi na kaayo sa tuig 1611 A.D. sa mando ni Hari Jacob o King James Version sa Inglatera.

Luther in 1529 by Lucas Cranach

Ang Koran sa mga Muslim may mga Makita nga teksto nga naghatag og dakong pag-ila kang Jesus nga Mesiyah. “Si Isah (Jesus) gipamatud-an ni Alla og mga milagro,” (Sur. 3:86). “Ang dili moila kang Isah, (Jesus) nga usa ka propeta may dakong silot nga ipahamtang kaniya nga wala masukad mahitabo,” (Surah 5:114-115). “Apan kon sila moila kang Isah nga Mesiyah, may dakong panalangin ug kalooy si Allah alang kaniya, siya ug ang iyang inahan gipanalipdan ni Allah aron ang sala dili makatandog kanila” (Surah 19:19, Surah 3:36). “Naghatag si Allah og mga ilhanan kang Isah aron Siya makahimog mga milagro sapag-ayo sa mga masakiton ug sa pagbanhaw sa mga Minatay” (Sur. 3:49).

Ug ang relihiyon o tinuhoan nga tukoron ni Jesus, gimando ni Allah, “We commended unto Abraham, Moses and Jesus saying: Establish the religion and be not divided therein” (Surah 42:13). “Ang mga Judio ug ang mga Kristohanon ug ang mga Sabbaeans…ug mituo ni Alla ug nagabuhat og mayo, sa katapusang adlaw piho nga makadawat sila’g ganti uban sa ilang Ginoo,” (Surah 2:62).

Hinoon, tinuod nga ang mga Muslim wala moila ni mituo ni Cristo nga Dios, kondili sama ni Mohammed nga usa ka dakong propeta. Ang gitudlo sa Bibliya si Jesus Dios, mao ang gisupak sa KORAN sa mga Muslim.

3 Responses to “SUKNAAN (November 16, 2008)”

  1. Robert said

    Brother,

    mangutana ko asa gani sa versekolo na niingon ang ginoo,Mag himo ko ug usa ka nasod nga mag magmando sa tanan nga mga nasod,,nakalimot ko ug asa na dapita kay nabasa ko na sauna nga usa pa ko ka PSL leader sa among kapilya sa davao,,karon dia na ko sa dubai nag work akong gisulanyan ug searhed dili naman nako makita.

    pasaylua ko ninyo,
    robert dela cruz

  2. Louie Jay Carba said

    sa tinuoray, ang mga protestante mga BAGA ug dagway..
    sa unsa nga paagi?? pinaagi sa pagkuha ug mga texsto unya ilang basahon og mo proclamar nga ang katoliko “SAYOP” kuno..
    unsaon pagkasayop sa katoliko nga ang bibliya nga ilag gigunitan iya an sa katoliko,,GIHAGOAN SA KATOLIKO sulod sa pipila ka tug aron mahimong bibliya…..

    ang mga protestante, usa ka dakong BAKAKON nga wala mabantayi sa mga tawo nga ilang nailad…
    dili kana inyohang libro oy! unya magpataka mo og INTERPRET!!!
    PAG SURE MO OY!!!

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

 
%d bloggers like this: